ରୂପାନ୍ତରଣର ଏକ ଯାତ୍ରା

୨୦୨୦ ଏକ ରୂପାନ୍ତରଣର ବର୍ଷ, ପୁରାତନ ଜୀବନଶୈଳୀର ବ୍ୟତିକ୍ରମ ଏବଂ ସବୁଦିନ ଆମ ନିକଟରେ ଉପସ୍ଥିତ ହେଉଥିବା ନୂତନତ୍ବ ସହିତ ଖାପଖୁଆଇବା | ୨୦୨୦ ରଥଯାତ୍ରା ଭକ୍ତଶୂନ୍ୟ ବଡଦାଣ୍ଡରେ, ବିନା ଗୀତ, ବାଜା ଓ ‘ଜୟଜଗନ୍ନାଥ’ ଧ୍ଵନିରେ ରଥ ଗଡି ଇତିହାସ ରଚନା କରିଥିଲା | ସମସ୍ତ ଲୋକମାନେ ନିଜର ଟେଲିଭିଜନ ପରଦା ଓ ମୋବାଇଲ ଫୋନରେ ଦର୍ଶନ କରିପାରିଲେ କେବଳ ସେବାୟତମାନଙ୍କ ଦ୍ୱାରା ରଥଟଣା ଓ ପୋଲିସ୍ ଫୋର୍ସ ଓ ସୁରକ୍ଷାକର୍ମୀଙ୍କ ଦ୍ୱାରା ରଥ ଚତୁଃପାର୍ଶ୍ଵରେ ଘେରି ରହିଥିବା ମାନବ ଶୃଙ୍ଖଳା, କୋଭିଡ-୧୯ ମହାମାରୀ ଦୃଷ୍ଟିରୁ ମାନ୍ୟବର ଉଚ୍ଚତମ ନ୍ୟାୟାଳୟଦ୍ୱାରା ରହିତାଦେଶ ପରବର୍ତ୍ତୀ ସମୟରେ ବହୁତ ଦିନ ଧରି ଚାଲିଥିବା ବିଚାରଲୋଚନା, ପ୍ରତିବାଦ ମଧ୍ୟରେ ପୁରୀରେ ୧୪୪ ଧାରା ସହିତ ରଥଯାତ୍ରା ଅନୁଷ୍ଠିତ ହୋଇଥିଲା l

ରଥଯାତ୍ରା ଗୋଟିଏ ଦିନର ଉତ୍ସବ ନୁହେଁ l ଗୋଟିଏ ସପ୍ତାହରୁ କମ ସମୟ ଥିଲା ଓ ଭାଇ ଭଉଣୀ ଠାକୁରଙ୍କର ବାହୁଡା ଯାତ୍ରା ମଧ୍ୟ ଅନ୍ୟ ଏକ ବହୁ ଆଡ଼ମ୍ବରେ ପାଳିତ ଉତ୍ସବ l ବାହୁଡା ଯାତ୍ରା ସମୟରେ ଯେତେବେଳେ ରଥ ସବୁ ଦକ୍ଷିଣ ମୁହଁ ହୋଇ ଗଡେ, ସେହି ସମୟରେ ବହୁତ ନୀତିକାନ୍ତି ମଙ୍ଗଳାର୍ପଣ ସହିତ ପାଳନ ହୋଇଥାଏ ଓ ପରବର୍ତ୍ତୀ ସମୟରେ ନୀଳାଦ୍ରିବିଜେ ଓ ସୁନାବେଶ ଅନୁଷ୍ଠିତ ହୋଇଥାଏ l ଜିଲ୍ଲା ପ୍ରସାଶନ ନୀଳାଦ୍ରିବିଜେ ଓ ସୁନାବେଶ ପାଇଁ ଜୁନ୍ ୩୦ ତାରିଖ ଠାରୁ ଜୁଲାଇ ୨ ତାରିଖ ପର୍ଯ୍ୟନ୍ତ ୪୮ ଘଣ୍ଟିଆ କର୍ଫ୍ୟୁ ଜାରି କରିଥିଲେ ଓ ୭୦ ପ୍ଲାଟୁନରୁ ଅଧିକ ପୋଲିସ୍ ଫୋର୍ସ, ୪୦୦ ଅଧିକାରୀ ମୁତୟନ କରିଥିଲେ | ବଡଦାଣ୍ଡକୁ ସଂଯୋଗ କରୁଥିବା ସମସ୍ତ ରାସ୍ତାକୁ ବନ୍ଦ କରି ଦିଆଯାଇଥିଲା ଓ ପୁରୀ ଜିଲ୍ଲାପାଳ ବଲବନ୍ତ ସିଂ ଟ୍ୱିଟରରେ ଏକ ଭିଡିଓ ମାଧ୍ୟମରେ ଲୋକମାନଙ୍କୁ ଘରୁ ବାହାରକୁ ନ ବାହାରିବା ପାଇଁ ଅନୁରୋଧ କରିଥିଲେ ଓ ସମ୍ପୂର୍ଣ୍ଣ ବନ୍ଦ ସମୟରେ ସହର ଭିତରକୁ ନ ପଶିବା ପାଇଁ ଓ ସହର ବାହାରକୁ ନ ବାହାରିବା ପାଇଁ ଅନୁରୋଧ କରିଥିଲେ |

ଯଦିଓ ଭାରତରେ ଧାର୍ମିକ ସମାବେଶ ବାରଣ କରାଯାଇଛି ଓ ଓଡିଶା ମଧ୍ୟ ଏ ଦିଗରେ ଅନ୍ୟ ଧାର୍ମିକ ସ୍ଥାନକୁ ଖୋଲାଯିବା ପାଇଁ ଅନୁମତି ପ୍ରଦାନ କରିନାହିଁ, ତଥାପି ଭକ୍ତଙ୍କ ବିନା ଏହି ଶତାବ୍ଦୀରୁ ପ୍ରଥା ପାଳନ କରାଯାଇଥିଲା | ରଥଯାତ୍ରାର ଏକ ଉଚ୍ଚ ଆଧ୍ୟାତ୍ମିକ ଉତ୍କର୍ଷତା ଅଛି ଯାହାକି ଏହି ସମୟରେ ହିଁ ତିନିଠାକୁର ରତ୍ନବେଦୀରୁ ବାହାରକୁ ଆସନ୍ତି ଓ ଭକ୍ତମାନଙ୍କୁ ଏପରିକି ଅନ୍ୟ ଧର୍ମର ଓ ଅନ୍ୟ ଧର୍ମ ବିଶ୍ୱାସ କରୁଥିବା ଲୋକମାନଙ୍କୁ ଦର୍ଶନ ଦିଅନ୍ତି | ଏହା ହିଁ ଜଗନ୍ନାଥ ଓ ତାଙ୍କ ବଡଭାଇ ଓ ଭଉଣୀ ସୁଭଦ୍ରାଙ୍କୁ ଅଦ୍ଵିତୀୟ ଭାବେ ପରିଗଣିତ କରିଛି | କାରଣ ବିଶ୍ୱର ଅନ୍ୟ କୌଣସି ପ୍ରଥାରେ ବିଗ୍ରହ ମନ୍ଦିର ବାହାରକୁ ଆସି ଭକ୍ତ ସମୁଦ୍ର ମଧ୍ୟରେ ଭକ୍ତମାନଙ୍କ ମଧ୍ୟରେ ମିଶିଯାନ୍ତି ନାହିଁ ଓ ଅନ୍ୟ ମନ୍ଦିରକୁ ଯାଇ ୯ ଦିନ ଅବସ୍ଥାନ କରନ୍ତି ନାହିଁ | ଏହି ଉତ୍ସବର ସମ୍ପୂର୍ଣ୍ଣ ଆଧାର ହେଲା ସାରା ପୃଥିବୀର ଭକ୍ତ ମାନଙ୍କୁ ଅଲୌକିକ ଜୀବନ୍ତ ବଡ ଠାକୁରଙ୍କ ଦର୍ଶନ ପାଇଁ ଅପୂର୍ବ ସୁଯୋଗ ଦେବା କାରଣ ଅଣ-ହିନ୍ଦୁମାନଙ୍କୁ ମନ୍ଦିର ପ୍ରବେଶ ପାଇଁ ଅନୁମତି ପ୍ରଦାନ କରାଯାଇନଥାଏ |

ସମଗ୍ର ପୁରୀ ସହର ଜଗନ୍ନାଥ, ବଳଭଦ୍ର ଓ ସୁଭଦ୍ରାଙ୍କୁ ତାଙ୍କ ପରିବାର ଭାବେ ବିବେଚନା କରିଥାଏ | ଶ୍ରୀ ଗୁଣ୍ଡିଚା ମନ୍ଦିର ହେଉଛି ଭାଇଭଉଣୀ ଠାକୁରଙ୍କ ଜନ୍ମସ୍ଥାନ ଏବଂ ରଥଯାତ୍ରା ସେମାନଙ୍କ ନିଜ ମନ୍ଦିରକୁ ଆସିବା କଥା ମନେ ପକାଇଥାଏ | ଫେରିବା ପୂର୍ବରୁ ତିନିଠାକୁର ମା'ଗୁଣ୍ଡିଚାଙ୍କ ନିକଟରେ ପ୍ରତିଶୃତି ଦେଇଆସନ୍ତି ଯେ ସେମାନେ ଆସନ୍ତା ବର୍ଷ ସେଠାକୁ ଆଗମନ କରିବେ ଓ ପ୍ରତିବର୍ଷ ସେମାନଙ୍କ ଜନ୍ମସ୍ଥାନକୁ ଆସିବେ | ଏହି ପରିଚିତ ଭାବ ଧର୍ମସ୍ଥଳି ପୁରୀରେ ସବୁବେଳେ ବିଦ୍ୟମାନ | ଏଥିରେ ସାମାନ୍ୟ ପରିବର୍ତ୍ତନ ପୁରୀ ଜିଲ୍ଲାରେ ପ୍ରକମ୍ପ ସୃଷ୍ଟି କରିଦିଏ | ପୂର୍ବରୁ ଅନେକ ଥର ରଥଯାତ୍ରା ବାତିଲ ହୋଇଅଛି ବା ଅଜ୍ଞାତ ସ୍ଥାନରେ କରାଯାଇଥିଲା ଯେତେବେଳେ ଅଷ୍ଟାଦଶ ଶତାବ୍ଦୀରେ ଅନେକ ଥର ପୁରୀକୁ ଆକ୍ରମଣ କରାଯାଇଥିଲା | କିନ୍ତୁ ପୂର୍ବରୁ କେବେହେଲେ ଶୂନ୍ୟ ବଡ଼ଦାଣ୍ଡରେ ଅସହ୍ୟ ଗରମରେ ବିନା ଭକ୍ତଙ୍କ ଭକ୍ତି ଉତ୍ସାହ ଓ ରଥଟଣା ରଥଯାତ୍ରା ଅନୁଷ୍ଠିତ ହୋଇନଥିଲା | ଏହା ହିଁ ଜଗନ୍ନାଥ ଚେତନାର ଶ୍ରେଷ୍ଠ ପରାକାଷ୍ଠା ବା ନିଦର୍ଶନ |